မြက်ရိုင်းစံ 28.12.2011
သူတို့လည်း သူတို့မျက်လုံးလေးတွေနဲ့
တိုင်းထွာကြည့်ကြတယ်
အလျှာအနံတာ မသိတာ
ကြားကခန့်မြန်မြန်လေး နေရာတော့ယူတက်ကြမြဲ။
ငါက အနင်းခန်တဲ့ မြက်ရိုင်းပါ
နှင်းငွေ့တစ်ပွင့် မြေကြီး လက်တဆစ်ကပဲ
ငါရှင်သန်မဲ့ အားဆေး..။
တိုက်ပွဲတွေနဲ့ ဘ၀မှာလည်း အလံမမြဲပါဘူး
အနေနည်းနည်း လွဲတာနဲ့ ပြုတ်ကြ
ဘ၀ဆိုတာ တည်ဆောက်နေတာပဲ
လန်းပါတယ်။
ခြေင်္သေ့တွေ ဟိန်းဟောက်တာနဲ့
ကျပ်ငွေတွေ ဖောင်းပွသွားခိုက်
လူသားအရင်းအမြစ်တွေ
နိုင်ငံတကားသို့ လျှံထွက်
အခွန်တွေမျှပေးရင်းနဲ့ ပြက္ခဒိန်တွေ ကွာကြကုန်တယ်။
စနစ်တွေနဲ့ အဖြစ်တွေကြားမှာ
ဟိုပလံ သည်အကြံတွေ ရေးမှတ်
ခေါက်ရိုးကျိုးသွားတဲ့ စာရွက်ပေါ်မှာတော့ ခြစ်ရာတွေအပြည့်(ကျက်ခြေခတ်)
ဦးနှောက်ထဲကလည်း ဖြစ်နိုင်တာတွေ ယိုစိမ့်။
အခုတော့ရှင်းသွားပါပြီ။(နတ္တိ)
ငါဘာလုပ်နေတယ်ဆိုတာ ငါမသိလိုက်ချိန်မှာပဲ
ငါဘာလုပ်တယ်ဆိုတာ ငါသိလိုက်တယ်
ငါ့နားရင်းတော့ ခပ်ပြင်းပြင်းလေး မတီးလိုက်ပါနဲ့
ငါ့အမြင်နဲ့ငါ လျှောက်နေတာပါ။
ငါစိုက်ထားတဲ့မြက်ခင်း ငါနင်းးကြည့်တာပါ။
စံဂျူး
No comments:
Post a Comment